قرار

أصعب حاجه لما تكون ملزم أنك تاخد قرار بين أمرين زى أختيار كده يا أما ده أو ده وخصوصا لو الاختيارين فيهم أختيار أنت عاوز تختاره ونفسك فيه بس مش متأكد منه ومش متأكد هيوصلك لايه وبالطريقه دى يبقا أحتمال لو أخترت الاختيار ده أنك تبقا ماحصلتش حاجه ولا أبيض ولا أسود ده أحتمال والاحتمال ده لانك مش مالى أيدك منه. الاختيار التانى متأكد منه ومعالمه واضحه ونتيجته مبشرة بس أنت مش حابه .دلوأتى السؤال هنا ,لما تكون بين ده وده ولازم تاخد قرار والقرار ده لازم يكون بسرعه علشان قرارك ده معطل ناس عن مصالحها ,هتعمل أيه؟ تأخد القرار أزاى ؟ فى حلول كتير يا تشد فى شعرك وتتجنن ,يا تطنش وتزهد فى الدنيا وفى نفسك ,أنا عن نفسى هختار الاختيار اللى مش متأكده منه المهم انى حابه الاختيار ده وعلشان أنا بعمل كده دايما ,فأنا خسرانه الدنيا دايما وكاسبه أحساسى دايما وبخسر ناس كتير دايما .كله يهون فدا أحساسى ماهو الناس مش هتبقا جنبى دايما.