جوة بيتنا فى بنت صغيره دايما كده ساكته وهاديه وطيبه مش بتعمل حاجه غير أنها تمسك ورقه وقلم وتكتب ,بتكتب ايه ؟ الله أعلم ,بتفرح أوى لما تكلم صحباتها وألاقيها تضحك كده من قلبها .لما حد غريب يدخل بيتنا تمشى وتقعد وحدها ,ليه؟يمكن خوف ,عدم ثقه أو يمكن ده طبعها . هى كده دايما هاديه وطيبه ولوحدها.هى مش انسانه برضه زينا؟مش بتغضب ,مش بتزعل مننا؟ يمكن بتخبى ده جوة منها وبتكشفه بينها وبينها ,الله أعلم .بس النهارده فيها حاجه متغيره ,قاعده بتبكى لوحدها ولاول مرة أشوف تعبير للحزن على وشها ,فيها أيه؟ الله أعلم.,أسألها ولا سؤالى يزيد بكاها ,أسألها يمكن تحكى وتفضفض معايا يمكن تحس أنى جنبها ,يمكن ....يمكن ,أيه ده هو أنا ليه عارف أنها متغيره ؟أنا ليه واخد بالى منها ؟هو أنا ممكن أكون بحبها؟ خلاص خلاص أنا هاروح وأقولها أيه مضايقها ولو تقبلنى صديق لها .لالا مش عارف يمكن تصدنى وتعتبرة تطفل خلاص مش هاروحلها .أنا هنام وبكرة ربنا يحلها. أهوة الصبح جه وأنا دلوأتى رايحلها قلتلها مالك فى أيه؟ ,صعبت عليها نفسها وبكت أكتر ,هو أيه اللى عملته ده خلاص هقولها أنى جنبها وكمان بعزها واللى يحصل يحصل أدينى رايحلها .يااااااااااااه عارفين حصل أيه دى ماصدقت أنى قلتها وأترمت جوايا وبكت وبكيت معاها دانا طلعت بحبها وبحبها وبحبها وبكده خلص كلامى ومش هكتب حاجه تانى وهقضى عمرى أحبهاوأحبهاوأحبها.لالالا ده مش تسرع منى ولا تعاطف معاها دانا من زمان محتاجلها
No comments:
Post a Comment